شات احبك اكبر تجمع مصري عربى خليجى شامل على الانترنت دردشه مصريه 100% نتمنى لكم وقتا ممتعا معنا
 
الرئيسيةالرئيسية  التسجيلالتسجيل  بحـثبحـث  قائمة الاعضاءقائمة الاعضاء  المجموعاتالمجموعات  دخولدخول  طلب الاشراف  مراقبين الدردشه مراقبين الدردشه  
اهلا وسهل بكم زوارنا واعضائنا الكرام نتمنى ان تكونو فى تمام الصحه والعافيه نرجو منكم متابعة المنتدى والتواصل معنا لكى نرتقى بالمنتدى الى اعلي قمه شكرا لكم admin
لأى شكوى من اى مدير او مشرف او زائر بالمنتدى برجاء تصوير المشكله ووضعها فى قسم الشكاوى والاقتراحات
الان ولفتره محدوده تم فتح باب الاشراف مجانا للاشراف على احد اقسام المنتديات والتمتع بصلاحيات الاشراف على من يرغب بالاشتراك الرجاء التسجيل والذهاب الى اقسام اداريه طلبات الاشراف والرقابه اخر المنتدى وكتابة بياناته الشخصيه
تعلن ادارة شات احبك عن احتياجها الي مراقبين للشات الكتابي الى كل من يجد نفسه متميزا الرجاء محادثة ادارة الموقع ahebk.forumegypt@yahoo.com

شاطر | 
 

 الحلقه الاولى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العصفوره الحزينه
نائبة المدير العام
نائبة المدير العام


mms mms :
 رسالة sms رسالة sms : العين تعشق صورتك .. والقلب بيجرى فيه دمك وكل ما اسمع صوتك .. شفايفى تقول بحبك
متصفحى :
البلد :
عدد المساهمات : 189
تاريخ التسجيل : 05/09/2011
العمر : 22
الموقع : موقع احبك

مُساهمةموضوع: الحلقه الاولى   الثلاثاء مايو 24, 2016 4:56 am

فى بيت يتميز بالاثاث الانيق و الشيك تأتى الام و تفتح الستائر و تقول



الام (امال) : يلا يبنتى قومى بقا 24 ساعة نايمة طبعا مانتى سهرانه على الزفت ده (الكمبيوتر ) قومى بقا متغلبنيش




اسماء :فى ايه يا ماما احنا فى اجازه يعنى و لا سهر و لا خروج حتى يا رب ارحمنى بقى




الام : مش هنخلص من لسانك الطويل داا هو داا الى انتى فالحة

فيه 




اسماء بصوت نائم : هنام ساعة كمان و هقوم




الام : انتى بتقولى ايه! 




اسماء : لا مش بقول حاجة بقول هغسل وشى 




الام :طيب 10 دقائق و تكونى قادمى 




اسماء : حاضر 




بعد ما اسماء صحيت قامت عشان تدخل تغسل وشها وتتوضا عشان تصلى خبطت فى اخواها الكبير (مصطفى) 




اسماء : ايه مش تفتخ 




مصطفى : خلاص يا بت فى ايه كل داا عشان خبط فيكى




اسماء : ايوة و تخرج له لسانها




مصطفى : اللى يشوفك و ميعرفش انك داخلة الجامعة السنة دى يقول طفلة 




اسماء : ملكش دعوة




مصطفى : اما نشوف انتى هتجيبى كام ياختى النتيجة فاضل عليها 

اسبوعين بس




اسماء : ان شاء الله هجيب مجموع ذى كل سنة و هدخل هندسة 




مصطفى : اما نشوف




اسماء : هتشوف ان شاء الله




مصطفى: ماما خدى بنتك ديه بدل ما اعملقوا جريمة قتل




اسماء : جريمة قتل متقدريش تعملى حاجة اصلا( و طلعتلوا لسانها )




مصطفى : راح ضربها ضربة خفيفة 




أسماء : اهئ اهئ اهئ اهئ اهئ 




الام : ايه !!! فى ايه مالك ؟؟




أسماء : يا ماما ضربينى اهئ اهئ اهئ 




مصطفى : بت انتى هتمثلى 




الام : خلاص خلاص انت الكبير يا مصطفى




أسماء : خليكى انتى كدة بتدلعى فى ولادك




مصطفى : صبرنى يا رب امشى من اودامى بدل ما اضربك




الام بزعيق:خــــــــلاص روحى اغسلى وشك و صلى عشان تروحى لابوكى 




اسماء : مش لازم اروح احنا الحمد لله عندنا فلوس كتير ولا انتى نسيتى انك 

امال سيف الدين اللى كان اكبر رجل اعمال فى مصر و بعدين انتى عارفة انه مش بيحبنا و اهم حاجة عنده اخواته




الام : عيب كدا يا بنت تتكلمى عن ابوكى كدا 




اسماء : مش هى دى الحقيقة سبنا عشان يرضى اخواته 




الام بحزن : نعمل ايه يا بنتى بقى حسبنا الله و نعم الوكيل بس روحى شوفى ابوكى مهما كان برده هو ابوكى واحنا مش عايزين منه حاجة




أسماء لترضى امها :حاضر




لبست اسماء بنطلون برمودا اسود و تيشيرت ابيض مرسوم عليه ميكى و رفعت شعرها البنى الطويل و كانت جميلة و ركبت تاكسى و ذهبت الى والدها 






************************************************** *******




وفى مكان تانى تاتى سيدة و تقول 




سيف سيف اصحى يابنى و شدت اللحاف 




سيف : حاضر حاضر روحى انتى بس يا جميل و انا هاجى وراكى على طول و بيشد اللحاف تانى و ينام




الام : يا حبيبى قوم يوسف عايزك




سيف : حاضر




الام : قوم يلا و متنمش تانى 

فاخذ سيف الموبيل و قال




سيف : ايه ياض عايز ايه ؟؟




يوسف : ايه يابنى ديه طريقة حد يكلم بيها صحبه انضفواا بقا 




سيف : هاااا انجز عايز ايه انا لسه صاحى من النوم و مش فايقلك 




يوسف : طب يا عم مش هتجى عشان اعرفك على البت سلمى 




سيف : انتا ايـــــــــه يابنى مش هتبطل بقاااا و انا مش عايز اتهبب اتعرف على حد انا نفسى اعرف انت ازاى رايح ثلاثة هندسة و بمتياز كل سنة و بتاع بنات كدة




يوسف : الله اكبر عقبالك يا خويا لما نشوف هتجيب مجموع كام فى الثانوية و بعدين ابطل ليه انا كدا فلة 




سيف : ان شاء الله هجيب مجموع حلو و انت ربنا يهديك انا مش عارف مين الكبير الصراحة




يوسف : هو المفروض انا بثلاث سنين بس المفروض مرفوض و اسمع كلامى مرة فى حياتك دا البت دى جامدة اووى عليها جسم انما ايــــه كورباك




سيف : سافل والله طول عمرك هتفضل كدة هتجى فى يوم تندم على كل ال انت بتعملو دة وهتجى بنت هتخليك تلف حولين نفسك




يوسف بغرور : ولا عاشت و لا كانت اللى تلفف يوسف الهوارى حولين نفسه




سيف : صبرنى يا رب انا هقتلك و هبلغ عنى




يوسف : هههههه و اهون عليك يا بيبى




سيف : اتلم ياض ايه بيبى دى !! انا سيف اة بس راجل اوووى فاكرنى سوسو و لولو بتوعك دول ولا ايه ؟!




يوسف : يعنى مش هتجى 




سيف : مش هرووووح 




يوسف : عنك ما جيت انت الى خسران و انت اصلا طول عمرك فقرى و ملكش فى الطيب نصيب غور بقا عشان هروح البس




سيف : احسن برده و قفل السكة




سيف فى سروا ( محدش حاسس بيا محدش عارف الى جويا ااااااااه محدش 

عارف انى بحبك انتى و بـــــــــس )




************************************************** *******




اسماء تليفونها رن و كانت بسنت صديقة اسماء 




اسماء : ايه يا بنتى انتى فين وحشانى اوى يا بت انتى 




بسنت : و انتى و الله يعنى هكون فين ما انا فى البيت اهو هروح فين يعنى . انتى فين ؟؟ و ايه الدوشا الى عندك دى




اسماء : انا فى الطريق و راحة عند بابا 




بسنت : طيب خلى بالك من نفسك




اسماء : حاضر انتى بتعملى ايه ؟!




بسنت : ولا حاجة فاتحة الفيس بس و بكلم حسام 




اسماء : مش هتبطلى بقا الهبل دا و تعرفى الصح دا واحد بيتسلى بس 




بسنت : عيب عليكى يا بنتى دا انا بسنت 




اسماء : استهتارك و غرورك دا الى هيجيبك ورا




بسنت : اطلعى انتى منها بس و هى تمشى 




اسماء : ماشى بس انا بنصحك بس و انتى حرة بس هترجعى تندمى لما تخدى الم من الدنيا 




بسنت : فككك من الحوار دا يابنتى نورهان عاملة ايه ؟؟




اسماء : والله مش عارفة عنها حاجة بقلى يجى 3 ساعات كدة




بسنت : اقفلى يا اسماء انا مش ناقصة و مش عايزة اعرفك تانى اصلا 




اسماء : هواا انتى تطولى اصلا دا اانا مصحباكى تخليص حق




بسنت : والله




اسماء : والله




خلاص هتصل بيها بقى و ابقى اكلمك سلام




بسنت : سلام






************************************************** *******




نرجع عند اسماء بقى




بتتصل على نورهان و مردتش بس ردت المرة الثانية 




نورهان بنوم : : ايوااا يا سمسم عمله ايه




اسماء بصريخ خفيف : انتى نايمة و مش عارفة ايه الى بيحصل براااااااااا




نورهان بخضة : ايـــــــــــــــــــــــــه فى ايه ؟؟




اسماء بمرح : : و لا اى حاجة




نورهان بخضة : حراااااام عليكى دا انا كنت هموت من الخضة ثم قالت بحب : 

بس بحبك بردو مش عارفة لية 




اسماء : انا اصلا اتحب من غير حاجة




نورهان بمرح : يخربيت التــــــواضع لا اتـغرى شوية 




اسماء : اللهم ذدنى تــــواضع يا رب




نورهان : يا رب ياوخشـــى متعرفيش بسنت عامله ايه ؟؟




اسماء : تمام لسة مكلماها بس لسة بتكلم حسام 




نورهان بنفعال : هى مش كانت مش بتكلم الواد دة و بعدين انا حظرتها كتيير اووووى منه انا الواد دة مش بستريحله




اسماء : اهدى بس انا مش عارفة دى مش هتسكت غير لما يحصلها حاجة و تاخد الم من الدنيا دى و احنا نصحنها كتير بس هى فاكرة ان هى الصح دا الولاد مبيجيش من وراهم غير المصايب ووجع القلب




نورهان : ربنا يهديها يا رب




اسماء : يارب




نورهان : سبيها و انا هاكلمها و انشاء الله ربنا يهديها




اسماء : يا رب ثم قالت بمرح ما انتى المصلحة الاجتماعية بتاعت الشلة 




نورهان : اهااا عشان انتوا مش بتفكرواا و بتعملو الى فى دماغكوا و شغل مراهقين و اطفال مش بتفكر




اسماء : و الله عندك حقك سلام بقى و هبقى الكلمك بعدين ان شاء الله




نورهان : لا اله الا الله سلام




اسماء : محمد رسول الله سلام




و فجاه اسماء شافت حاجة خلتها توقف مندهشة و مبرقة اووووى




و ياترا اسماء شافت ايــــــــــــــــــــــــــــــــــــــه !!!!!!!!






انتظرونى فى الحلقة الثانية انشاء الله


توقيعى 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahebk.forumegypt.net/
 
الحلقه الاولى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات احبك :: أقسام الثقافة و المعلومات :: المنتدى الأدبي-
انتقل الى: